Chapter (4) Arc 4
ရှီးမန်ကျွင့်
လုရွှမ် အသံကို ပျော့ပျောင်းပြီး တန်ခိုးအာဏာကိုလည်း လျှော့ပေါ့လိုက်တော့မှ အဓိပတိနယ်ပယ်လေးက နောက်ဆုံးမှာ ပြောလာ၏။
"ဒီဓား အပိုင်းအစကို ကောင်းလူဧကရာဇ်အင်ပါယာ မီးလျှံမြို့ အပြင်ဘက်က သစ်ရွက်ကွဲချိုင့်ဝှမ်းမှာ ကောက်ရလာခဲ့တာ"
"ကျေးဇူးတင်ပါတယ်"
လုရွှမ် သူ့လက်ထဲက ကျိုးနေတဲ့ ဓားအပိုင်းအစကို ကြည့်ကာ ရိုးသားစွာ ပြောလိုက်သည်။
"ကျေးဇူးတင်ဖို့ မလိုပါဘူး မလိုပါဘူး... အဆင်ပြေပြီဆိုရင် ငါအရင် သွားလိုက်ဦးမယ်!"
ရှုပ်ပွနေသော ဆံပင်အမွေးအမှင်တွေနဲ့ အဓိပတိနယ်ပယ်က လုရွှမ်နှင့် အခြားသူများ ဒီလောက်နဲ့ ရပ်မသွားမှာကို စိုးရိမ်နေသေးသဖြင့် အမြန်နှုတ်ဆက်ပြီး ထွက်သွားသည်။
ဒီနေ့ငွေ အလုံအလောက် ရပြီမို့ မတော်တဆမှုတွေ မဖြစ်ချင်တော့ပေ။
"ကောင်းလူဧကရာဇ်အင်ပါယာ... မီးလျှံမြို့"
လုရွှမ်သည် ကျိုးနေသော ဓားအပိုင်းအစပေါ်ကို လက်ဖဖြင့် ပွတ်သပ်ရင်း ညည်းညူလိုက်သည်။ ဒီနေရာက ကိစ္စတွေပြီးလို့ အချိန်ရရင် သွားကြည့်ရမည်။
"သူဌေး... ကျွန်တော်က ကောင်းလူဧကရာဇ် အင်ပါယာကပါ!"
ဖက်တီးက တစ်ချိန်တည်းမှာပဲ ဆိုလာသည်။
"မီးလျှံမြို့တော်က လွန်ခဲ့တဲ့ နှစ်ပေါင်းနှစ်ရာကျော်က ကောင်းကင်ကနေ မီးတောက်တစ်ခု ပြုတ်ကျလာပြီး မီးလျှံမြို့က နေရာတော်တော်များများကို ပျက်စီးစေခဲ့တယ်လို့ ပြောကြတယ်... အဲဒီတုန်းက လူနည်းနည်းလောက်က ရတနာတွေကို ရခဲ့တယ်လို့ သတင်းထွက်လာလို့ ဧကရာဇ် အင်ပါယာအတွင်း ပြည်တွင်းစစ်တွေတောင် ဖြစ်ခဲ့သေးတယ်... သူတော်စင်တစ်ပိုင်းတွေတောင် အများကြီး သေခဲ့သေးတယ်တဲ့"
ဖက်တီး ဤပုံပြင်ကို ပြောပြလာ သောအခါ လုရွှမ်၏ နှလုံးသားသည် ရုတ်တရက် တုန်လှုပ်သွားခဲ့သည်။
"အခွင့်အရေး ရတဲ့အထိ စောင့်ရအောင်... ပြီးရင် မင်းရဲ့ ကောင်းလူ အင်ပါယာကို သွားကြည့်ကြမယ်!"
YOU ARE READING
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
