ငါ့တပည့်တွေက ဘုရင်တွေ

အပိုင်း 129

အခန်း ၁၂၉ : စိတ်အာရုံမြင်ကွင်း

ဗုဒ္ဓဂိုဏ်းတော်ထဲတွင် ဝတ်စုံစိမ်းမဟာသတ္တအရှင်နှင့် ရွှေရောင်ဝတ်ရုံမဟာသတ္တအရှင်ဆယ်ပါးရှိ၏။ ဝတ်စုံစိမ်းမဟာသတ္တအရှင်သည် ချန်းယွမ်အထွတ်အထိပ်အဆင့်၌ရှိပြီး ရွှေရောင်ဝတ်ရုံမဟာသတ္တအရှင်ကမူ အာကာသနတ်ဘုရားအလယ်အလတ်အဆင့်တွင်ရှိလေသည်။ သာဝက၁၈ပါးနှင့်ပေါင်းလိုက်သော် သူတို့၏တိုက်ခိုက်ရေးခွန်အားမှာ အလွန်တရာကြောက်မက်ဖွယ်ကောင်းလှသည်ဟု ဆိုနိုင်လေသည်။

ထို့ပြင် သူတို့အထက်တွင် ဗုဒ္ဓဂိုဏ်းတော်၏ဗုဒ္ဓအရှင်များ ရှိသေးပေသည်။ ဗုဒ္ဓအရှင်များ၏အဆင့်ကိုကား မည်သူမှမသိနိုင်ပေ။ သူတို့သည် အနည်းဆုံးအာကာသနတ်ဘုရားအဆင့်တော့ ရှိကြသည်။ အကယ်၍ ဤကဲ့သို့သောအင်အားစုမျိုးအဖြစ် ကျော်ကြားနေလေသည်ဖြစ်ရာ အင်အားစုဘယ်လောက်များများက ထိတ်လန့်ကြောက်ရွံ့လိုက်ကြလေမလဲ။

ဂိုဏ်းဂဏပေါင်းများစွာ၏အမြင်တွင် ဗုဒ္ဓဂိုဏ်းတော်၏ခွန်အားအစစ်အမှန်မှာ ဆန်းကြယ်မှုတစ်ခုဖြစ်ပေသည်။ သူတို့၏ခွန်အားအစစ်အမှန်ကို မည်သူမှမသိနိုင်ချေ။ သူတို့ဟာ ဗုဒ္ဓဂိုဏ်းတော်ကို အသရေဖျက်သူများအနေနှင့် အဆုံးသတ်မလှကြလေကြောင်းသာ သိထားကြသည်။ တစ်နည်းဆိုရသော် ထိုလူများက လောကကြီးထဲက ပျောက်ကွယ်သွားကြရသည်သာဖြစ်၏။

ထို့ပြင် ဗုဒ္ဓဘာသာဝင်များက လူမသိသူမသိလေးသာနေတတ်ကြသည်။ သက်ဝင်ယုံကြည်သူများစုဆောင်းရန်အတွက်လည်း တပည့်သာဝကများကိုသာ စေလွှတ်ကြသည်။ ဤသည်မှာ ဗုဒ္ဓဂိုဏ်းတော်၏ သက်ဝင်ယုံကြည်မှုစွမ်းအားကို တိုးမြှင့်လိုသောကြောင့်ပင်။

ရွှေရောင်ဝတ်ရုံမဟာသတ္တအရှင်က ရောက်လာသော်လည်း စကားအများကြီးမပြောချေ။ သူက ဗုဒ္ဓကျမ်းစာများသာ ရွတ်ဆိုနေလေသည်။ ဗုဒ္ဓရောင်ခြည်များက နင်းချန်ရှင်းဆီသို့ဦးတည်လာပေသည်။

နင်းချန်ရှင်းကလည်း တာအိုသိုင်းကျမ်းကိုလှန်လိုက်ပြီး ညင်သာစွာအော်ဟစ်လိုက်သည်။

"အရာခပ်သိမ်း"

မမြင်နိုင်သောအကာအကွယ်တစ်ခုက ဗုဒ္ဓရောင်ခြည်များကိုခုခံလျက် နင်းချန်ရှင်း၏ဘေးပတ်ပတ်လည်၌ ပေါ်ပေါက်လာသည်။ သို့သော် ဤဗုဒ္ဓရောင်ခြည်က အရာအားလုံးကို အရည်ပျော်ကျစေနိုင်စွမ်းရှိဟန်တူသည်။ ဗုဒ္ဓရောင်ခြည်၏တောက်ပလင်းလက်မှုအောက်မှာ အကာအကွယ်က တဖြည်းဖြည်းပျောက်ကွယ်စပြုလာပေသည်။