Unicode
"ဦးလေးပါလား...ကိစ္စရှိလို့လားရှင့်"
သခင်ကလင်းဖေဖေကိုမော့ကြည့်ရင်းဆိုလာ၏။
"သမီးလွန်းရေ..ဦးသမီးလေးက နောက်ကျနေလို့သမီးဆီမလာရဲဘူးဆိုလို့ဦးကိုယ်တိုင်လိုက်ပို့ပေးရတာ"
သခင် သူ့ကိုကြည့်လိုက်တော့သူ့အဖေနောက်ကလေးမှာကုတ်ကုတ်ကလေးလိုက်လာကာခေါင်းကိုငုံ့ထားသော အလင်းအားတွေ့ရ၏။
"ဟုတ်ကဲ့ဦး ...သူကဘာလို့နောက်ကျနေရတာလဲ"
"ခဏအိပ်ချင်လို့ဆိုပြီးအိပ်လိုက်တာနောက်ကျသွားတယ်သမီးရယ်...သမီးလေးက၃နာရီမထိုးခင်နှိုးခိုင်းပေမဲ့ ဦးလည်းသမီးလေးအိပ်နေတာသနားတာနဲ့မနှိုးဘဲထားလိုက်မိတာ"
စိတ်ထဲ၌သက်ပြင်းသာခိုးချမိသည်။ဦးသိန်းထွဋ်ဟာ သူ့သမီးကိုအလိုလိုက်လွန်းသည်။ဘာမဟုတ်တာလေးတွေကအစအလိုလိုက်နေတာမျိုးသဘောမကျပါ။လူဆိုတာစည်းနဲ့ကမ်းနဲ့နေရမည်မဟုတ်လား။သခင်ကတော့အဲ့ဒီလိုပဲသတ်မှတ်ထားသည်။
"ဟုတ်ကဲ့ပါ..ဒါပေမဲ့ နောက်ဆိုရင်တော့နောက်မကျစေပါနဲ့...သူနောက်ကျရင်သူ့အတွက်စာသင်ချိန်လျော့သွားလို့ပါ"
"အင်းပါ သမီးရယ်..နောက်တစ်ခါဆို နောက်မကျစေရပါဘူး"
"ဟုတ်ကဲ့"
"သမီး ဖေဖေ သွားတော့မယ်နော်"
"ဟုတ်"
ထိုကလေးကိုကြည့်လိုက်တော့ သူ့အဖေကိုမပြန်စေချင်သေးတဲ့ပုံပေါ်နေသည်။
"လာထိုင်လေ အဲ့မှာရပ်ပြီးဘာလုပ်နေတာလဲ"
"ဟုတ် သခင်"
"ရပြီလား မနေ့ကစာတွေက"
"ဟုတ်ရပါပြီ "
"ဒါဆို စာအုပ်ထုတ်လိုက်"
လင်း သခင်အိမ်စာပေးထားသောစာအုပ်ကလေးအားထုတ်လိုက်ကာသခင့်အားပေးလိုက်သည်။
"ရပြီ ဆိုလို့ရပြီ"
မနေ့ကသခင်အိမ်စာပေးထားသောစာ၅ပုဒ်အားအလွတ်ပြန်ရသည်။လင်းဘယ်လောက်ပဲပျင်းရိတဲ့သူဖြစ်ပါစေ။ သခင်ပေးတဲ့အိမ်စာများကိုမကျက်ဘဲမနေရဲခဲ့ပါ။ကျောင်းကဆရာ/ဆရာမတွေကိုတောင်သခင်လောက်မကြောက်ရပါ။ဆရာ/မတွေကမှစာမရရင်တစ်ခါတရံရိုက်သေးသည်။သခင်ကစာမရရင်ရိုက်သလားဆိုတော့လုံးဝမှမရိုက်ပါ။ရိုက်တာထက်နာတဲ့စကားလုံးတွေကိုရွေးပြောသည်။စာမရလာတဲ့နေ့ဆိုသခင့်နားနေရတာအလိုလိုပင်သိမ်ငယ်ရသည်။
စာမရတဲ့နေဆို ဆူပူပြီးရင် ကိုယ့်အားစကားလုံးဝမပြောတော့ပါ။ထိုအပြုအမူမျိုးကိုမခံနိုင်တဲ့လင်းကသာ သခင်ပေးတဲ့စာများကိုရအောင်ကျက်ရတော့သည်။
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...