"အာစရိ"
"ဘာတုန်း"
ဒီနေ့လုပ်စရာမရှိ၍ ရွာအနောက်ဘက်ချောင်းထဲ ဟင်းစားရှာနေခြင်းဖြစ်သည်။ဒီချောင်းထဲက ငါးပေါ၏။ဒီချောင်းရှိနေသ၍ တမာကုန်းရွာသားများအတွက် ဟင်းစားမရှားပေ။ဒီနေ့ တပည့်ကျော်စာကလေးနှင့်အတူ နေ့လည်ကတည်းကရောက်နေတာဖြစ်ပြီး တခဏနေရင် ဒီနေ့အတွက်လုံလောက်ပြီ။ဒီကအပြန် ကိုကျွဲထန်းတောထဲဝင်ကာ တစ်မြူလောက်မော့မည်။
"ကျွန်တော် ရွှေကျီးတို့အကြောင်းကြားလာတာရှိတယ်"
ရုတ်တရတ်ဟိုဘက်ကနေ ဒီဘက်ထိကပ်လာကာ တိုးတိုးဆိုသောစာကလေးစကားအဆုံး
ဋီကာမျက်ခုံတွေကျုံ့ကုန်သည်။
"ဟိုက ယူထားတာဖြင့် တစ်လကျော်နေပြီ မင်းကဘာတွေ ကြားလာပြန်ပြီတုန်း ဘာလဲမင်းရောအားကျနေတာလား "
"မဟုတ်ပါဘူးအာစရိရာ သူတို့ကယောကျ်ားချင်းဆိုတော့ ထူးဆန်းနေလို့ပါ"
"ပြောစမ်းပါအုံး ဘာတွေကြားလာတာလဲ"
ပြောချင်တဲ့လူကစကားစလာတော့ စကားထောက်ပေးလိုက်သည်။ဘာတွေများထူးဆန်းနေလို့ ဒီကောင်စိတ်ဝင်စားနေတာတုန်း။
"ရွှေကျီးယောကျ်ားက ရွှေကျီးကို ကိုကိုလို့ခေါ်တာတဲ့ဗျာ"
စာကလေးစကားအဆုံး ပြောစရာစကားတောင်ပျောက်သွားရသည်။
"ဘာကြီး ဘယ်လိုခေါ်တာ"
"ကိုကိုလို့ခေါ်တာတဲ့"
"မင့်ဟာကဟုတ်လို့လား စာကလေးရာ"
ဟုတ်တယ်လေ ကိုယ်တောင်ကြက်သီးထတယ်။
"ဟုတ်ပါတယ်ဆိုဗျာ ပြီးတော့ အိပ်တော့လည်းအတူတူအိပ်တာတဲ့"
ဒါကတော့မထူးဆန်းပါဘူး။
"လင်လင်တွေပါဆို အတူတူအိပ်မှာပေါ့ကွ"
စာကလေး ပတ်ဝန်းကျင်အားတစ်ချက်ကြည့်ကာ ဆရာသမားနားကပ်၍ တိုးတိုးဆိုလိုက်သည်။
"အာစရိကတုံးတာဗျာ ဟိုလိုဟိုလိုအိပ်တာတဲ့"
ဋီကာခေါင်းရှုပ်သွားသည်။ဒီကောင်ဘာပြောချင်တာတုန်း။
DU LIEST GERADE
သူကြီးသားကဆိုးလိုက်တာ(Complete )
Romantikတစ်ချို့လူတွေက ချစ်တဲ့သူပျော်ရွှင်ဖို့ဆိုတဲ့ အကြောင်းပြချက်နဲ့ ချစ်သူကိုစွန့်လွှတ်တတ်ကြတယ်တဲ့ ကျွန်တော်ကတော့ ချစ်ရတဲ့အစ်ကို့ကိုပျော်ရွှင်အောင်ထားနိုင်ဖို့ ပိုင်ဆိုင်ရမှကိုဖြစ်မှာပါ #ဘုန်းဋီကာမောင် ကိုယ်အမြဲပြုံးနေဖို့ဆိုရင် မင်းအမြဲပျော်နေဖို့ပဲ လိ...
